mércores, novembro 25, 2020

Un Proxecto de Recuperación

Proxecto de Recuperación Galicia 2020 - 2030


1. Reconstruir tódalas aldeas e lugares con criterios de sostibilidade medioambiental (arquitectura e paisaxe)

2. Repoboar as vivendas baleiras no rural e nas pequenas vilas con inmigrantes por un período de DEZ anos.

3. Dixitalizar tódolos servizos básicos dos Concellos:
    - lixo (reciclaxe, compostaxe)
    - auga (consumo e depuración)
    - luz e gas (fotovoltaica, eólica, hidráulica, mareomotriz, aproveitamento de xurros)
    - democracia (Plenos via streaming con posibilidade de participación por chat)

4. Ampliar a fibra óptica a tódolos Concellos de Galicia (concurso competitivo entre empresas solventes)

5. Seguir subvencionando o transporte interurbano e mellorar frecuencias e servizos (app en tempo real das liñas de bus)

6. Facilitar a apertura de negocios en vilas e aldeas (restauración, panadería e pastelería) con reducción de taxas.

7. Escolas de intercambio cultural de experiencias entre Concellos, aldeas e lugares
    - Obtención do título homologado de Animador Socio Cultural para a Reconstrucción e a Resiliencia.
    - Favorecer a aprendizaxe de idiomas a nivel básico (comunicación) con viaxes aos países de orixe dos inmigrantes.

8. Ante estas vantaxes competitivas Galicia será un destino preferente para vivir e incrementar a natalidade.

9. Ao cabo dos DEZ anos: avaliación externa e pública do Proxecto Galicia (auditoria contable, productividade dos responsables, problemas xerados pola iniciativa, propostas de mellora, eliminación e ampliación de accións)

10. O prazo de execución de calquera acción concreta non pode exceder os DOUS ANOS dende o inicio do Proxecto.

Unha VIDA DIGNA como base dun futuro sustentable para Galicia no Mundo !

A calquera que analice de vagar o Proxecto non terá dúbidas das sinerxias positivas de cara á internacionalización da nosa economía e recursos naturais, así como o enriquecemento da bagaxe cultural do noso pobo de cara ao século XXI.

Abrindo as portas de Galicia á VIDA, todos gañamos VIDA !

4 comentarios:

  1. Paréceme un documento introdutorio moi bó. Só o poñelo en marcha como fonte de discusión dá ideas e move os marcos cara a mellor.

    ResponderEliminar
    Respostas
    1. Logo de ver o Mecanismo para Recuperación e Resiliencia (MRR) entendo que este borrador cabe nos estándares europeos, o malo será que algún político en activo o tome en consideración... Saúde

      Eliminar
  2. Ao día seguinte de aprobar os "Orzamentos 2021" e a "Lei de impulso demográfico" sen tomar en consideración este proxecto recibímos esta mensaxe:

    "Na Presidencia da Xunta de Galicia recibimos o seu correo electrónico en relación coas medidas propostas no seu Proxecto de Recuperación de Galicia 2030.

    Quixera, ante todo, transmitirlle o noso agradecemento por poñerse en contacto con nós e facernos chegar as súas consideracións ao respecto da reactivación do rural galego.

    En relación coas cuestión que nos sinala, informámoslle que damos traslado á Consellería de Medio Ambiente, Territorio e Vivenda, coa finalidade de que teñan coñecemento das súas propostas.

    Reiterámoslle as grazas polos seus comentarios e agardamos que esta información lle sexa de utilidade. Reciba un cordial saúdo, O secretario xeral da Presidencia."



    Navegaremos cando nos deixen...

    Ampliación Detallada o Proxecto

    ResponderEliminar
  3. Logo de varios meses tentando facer chegar este Proxecto vía Twitter sen que ningún Grupo Político se fixera eco da proposta, decidín abandonar ese mundo das Redes e seguir o meu camiño...

    Traslado aquí os Detalles do Proxecto

    1. Unha Base de Datos con vivendas dispoñibles por dez anos (cesión con especial protección: seguros anti ocupación, incendios, elimiación de taxas e impostos, axilización de auga, luz e saneamento) atraería novos proxectos de arquitectura sostible e paisaxismo de calidade.

    2.Desprazar Técnicos de Emigración para ofertar e avaliar ás persoas idóneas. Non se trata de impedir a experiencia, pero sí de informar en detalle sobre o proxecto e as características do país. Evitando falsos emigrantes rurais que non terían acomodo nas nosas vilas e aldeas.

    3. A dixitalización dos Concellos e Administración Electrónica facilitará os trámites para levar adiante estes proxectos e favorecerá a extensión da fibra óptica a tódolos veciños e Institucións deses mesmos Concellos.

    4. Priorizar ás persoas con menores a cargo que aumentarían o número de nenos e nenas nas escolas do rural galego, mantendo os Centros Educativos abertos e mellorando os servizos de transporte escolar que facilitarán o transporte interurbano gratuíto para os menores de 21 anos.

    5. Cando teñamos un NODO de actividade (casa cedida – proxecto arquitectónico – auga, luz e saneamento) alguén deberá mostrar as posibilidades e explicar os compromisos aos aspirantes dándolles un prazo razoable para tomar a decisión.

    5. 1. Estas persoas cursarán cualifiación como Animadores Socio Culturais para a Reconstrucción e a Resiliencia. Poden ser funcionarios de Concellos e Deputacións por concurso de méritos (Voluntario) ou titulados en Traballo Social, etc. ou Voluntarios (xubilados, etc.)

    6. Asesoramento técnico para a apertura de negocios no rural (rabaños de cabras, ovellas, limpeza de fincas, traballos albanelería, mecánicos, informáticos, etc. Obradoiros de panadería, pastelería, restaurantes… Os talleres lingüísticos son básicos para tramitar permisos...

    7. Calquera NODO debera presentar resultados antes de 2 anos dende o inicio do proxecto. Os animadores deberán realizar una 1ª avaliación sinalando puntos febles e retroalimentado a BD para futuros nodos e informando sobre as melloras acadadas e participando Plenos dos Concellos.

    8. Avaliación Proxecto 2030: datos económicos, laborais, sociais, educativos, reunificación familiar, natalidade, cohesión social... Debe facerse pública e valorar aos responsables, decidindo a ampliación por 5 anos máis, ou a restitución dos bens aos propietarios iniciais.

    9. Agora só falta tramitar o Proxecto (quedará no caixón) mentras a Débeda Pública achégase ao 125% do PIB e os políticos seguen inflando nóminas e complementos de "productiviadade" como se fosen merecedores deles. Para nós queda a Miseria !

    ResponderEliminar

Mellor se bogamos con dous remos...