martes, xullo 24, 2018

Estado Vividor


Son moitos os que aíndan pensan que o Estado somos nós, e nada máis lonxe da realidade, para comprobalo bastarán uns exemplos elementais.

O Estado publica lexislación dabondo na que fala do perxuízo que causa na poboación as labores do tabaco. Mesmo educa na prevención de alcol e drogas e moitos consideran o tabaco unha droga moi dañina que debemos combater!

Non vou falar dos narcos galegos (nin dos tempos do Winston de batea) imos ver cal é o negocio do Estado (Facenda Pública) sobre as labores do tabaco legalmente vendido nos estancos do país. 80% son impostos e 20% o custe real do producto (incluíndo ganancias do produtor, exportador, loxística e comercialización dun paquete de tabaco). O ano pasado 2017 a recadación por impostos e taxas derivadas das labores do tabaco alcanzaron a bonita suma de 9.000 millóns de euros! Agora podemos entender que o tabaco lonxe de prohibirse (se é tan malo como dín) repunte e siga tendo tódalas facilidades de venda (máquinas expendedoras en calquera lugar ao alcance de calquera).

Se un paquete de Camel Essential custa no estanco 4,60 € a Facenda Pública recada 3,68 € por paquete (80%) mentras o custe restante 0.92 céntimos de euro son para pagar o produto e as ganancias dos proveedores! Non é de estrañar que nos anos 80 moitos galegos se fixeran co negocio do tabaco de batea! Os beneficios son enormes e os riscos escasos.

Pero agora no século XXI o Estado aprendeu a lección: para que imos perseguir contrabandistas cando o propio Estado pode beneficiarse do negocio? Bastará establecer controis aduaneiros axeitados e poñer a funcionar a máquina de gañar cartos!

A esa señora que o outro día protestaba nun semáforo porque lle molestaba o fume do meu cigarrillo debera dicirlle que grazas aos meus impostos existe o semáforo e o paso de peóns no que estamos detidos respirando tódolos fumes dos coches que pasan diante nosa!

Vexamos outro exemplo sinxelo: canto custan catro laxanxas (1 kilo con 22 gramos, segundo a báscula de Mercadona), catro laranxas custan 1,53 €, é dicir que para inxerir fruta debo pagar 0,61 céntimos de euro máis co que custa realmente un paquete de tabaco!

Neste negociado Facenda mete o nariz un 4% polo que recada 6 céntimos por catro laranxas! (un céntimo máis do que custa unha bolsa de plástico hoxendía!)

Imaxinen vostedes que calquera día a Facenda Pública do Estado buscando solucións para resolver o contínuo déficit de caixa puxera taxas e impostos ás catro laranxas por valor dun 80% sobre o custe do produto? Vostede iría mercar catro laranxas e pagaría 2,75 € (o Estado recadaría 1,22 € por catro laranxas e vostede seguiría levando a casa 1,53 €uros de laranxas!)

Case mellor non damos ideas, non vaia ser que alguén as poña en práctica!

Vexamos agora cantas laranxas poderíamos mercar polo que custa un paquete de tabaco (4,60 €)?
Arredor de 3 kilos de laranxas coas súas vitaminas que abondaría para comer toda a familia e pagando un prezo xusto ao produtor, distribuidor e comercializador das froitas!

Entende vostede que o Estado non somos nós, e que pola contra padecemos un Estado Vividor que lonxe de preocuparse pola saúde das xentes o único que lle interesa é recadar miles de millóns á costa da noso benestar, saúde e felicidade?

Seguramente a ninguén importa en que gastan os 9.000 millóns do ano 2017, pero a mín sí me importa, porque cada día que me achego ao estanco a mercar un paquete de veleno é un día menos para mercar froita “fresca” que está polas nubes no país das laranxas!!!


Se lles parece outro día falamos do custe do peixe fresco que está para alucinar !!!



Nota Bene:

O SERGAS asasino ten a virtude de non ocultar as súas intencións cando na propia páxina oficial no apartado Axudas para deixar de fumar, ten a pouca vergoña de enlazar a unha páxina que vende cachimbas, debe ser para ver se morremos antes... 

2 comentarios:

  1. As laranxas estaban SECAS e sabían a cámara frigorífica !!!

    ResponderEliminar
  2. Os especuladores están levando todo o peixe fresco cara aos restaurantes de media España, a presión de conserveiras e das empresas de conxelado rematan a faena... A avaricia dalgúns non ten límite!

    ResponderEliminar

Mellor bogar con dous remos...