Cando xa nos teñen aburridos coa crise, cando a enerxía eléctrica subiu un 10%, cando se recortan os salarios e idade de xubilación aumenta aos 67 anos, cando o paro sobrepasa o 20%, e un paquete de tabaco ronda os 4 €uros (665 pelas!), vimos de batir un novo récord silencioso: o litro de gasolina pagámolo a 1,303 €uros/litro (217 pesetas o litro!).
Os especuladores non deixan de gañar cartos coas necesidades alleas. Algúns pensaredes que é sensato aforrar enerxía, que o actual crecemento do consumo é un suicidio para o planeta, que se o tabaco subira o doble teríamos mellor saúde, e mercando bombillas de baixo consumo aforraríamos na factura de ENDESA ou GasNatural-Fenosa!
O que non dí ninguén é que os adictos fumadores o somos básicamente por culpa do cóctel de 45 sustancias químicas adictivas que as multinacionais agregan ás labores do tabaco para 'enganchar' aos que se inician no consumo. O que non se dí é a cifra escalofriante coa que subvencionamos á industria do automóbil e se vendemos un millón de novos vehículos terán que funcionar con gasolina, o que non dí ninguén é que o señorito Aznar vén de fichar por ENDESA pola suma de 200.000 dólares ao ano, e Felipe González como conselleiro independente de Gas Natural embolsa 126.000 €uros anuais, máis as indemnizacións como expresidentes ámbolos dóus!
Mentres uns PAGAMOS, outros COBRAN!
¿Empezo a preguntarme se somos parvos ou masoquistas?
¿Non é hora de convocar á cidadanía á DESOBEDIENCIA CIVIL se tomamos en consideración os datos que circulan libremente pola rede e que deixo aquí para maior ilustración?
Mentres a pensión máxima en España é de 32.000 euros anuais, os nosos políticos teñen dereito a pensións vitalicias moi superiores. Os primeiros espadas cobran ata 74.000 €. Compatibles con outros soldos da Administración ou con outras actividades económicas. A un deputado ou senador bástalle con 7 anos no cargo para optar á máxima pensión, mentres un traballador autónomo ou por conta allea precisa cotizar 38,5 anos!
A retención fiscal para deputados e senadores é unicamente do 4,5%
Zapatero é o único presidente da UE que carga os seus gastos de vacacións aos orzamentos do Estado.
E viaxa con 100 persoas durante tres semanas.
Sen dúbiba vive no Mundo de Yupi!
Aznar leva tempo en nómina do magnate da prensa Rupert Murdoch por 220.000 euros ao ano.
E acaba de fichar por Endesa como asesor externo por 200.000 dólares/ano.
Os deputados dispoñen de 5 millóns de euros ao ano para avións, trens, barcos... que pagamos todos!
José Bono, presidente do Congreso, cobra 13.856 euros ao mes: 3.126 por deputado, 3.605 como complemento, 3.915 para gastos de representación e 3.210 de libre disposición. As dúas últimas partidas suman máis de 6.000 euros ao mes en paparotas, regalos e actos de protocolo. Sen contar coas indemnizacións previstas pola lei para sufragar «gastos que sexan indispensables para o exercicio das súas funcións».
Estaría ben saber que temos 8.112 alcaldes, 65.896 concelleiros, 1.206 parlamentarios autonómicos, 1.031 deputados provincinciais, 650 deputados e senadores, 139 responsables de Cabildos e Consellos Insulares e 13 conselleiros no Val d'Arán.
Mentres nós debemos aforrar enerxía mercando coches eléctricos moitos dirixentes van en carro grande. Gallardón, alcalde de Madrid, móvese nun Audi A8 de 591.624 euros. Catorce de los 17 presidentes autonómicos usan Audi. O valenciano Francisco Camps ten varios á súa disposición e a Generalitat Valenciana dispón de 200 vehículos para os altos cargos, a maioría Volvo S80 a 40.000 euros a peza; o mesmo sucedía con Chaves en Andalucía, cuxo Goberno conta con 234 coches oficiais.
Manuel Chaves cobra ó ano 81.155 euros por ministro más unha indemnización de 46.000 € ao ano por deixar a presidencia de Andalucía (seica pagámoslle o lucro cesante). En total 127.155 euros anuais. Dous soldos do Estado compatibles só para altos cargos. Aos demáis españois estalle prohibido por lei.
Juan José Ibarretxe, exlehendakari do goberno vasco, recibe uns 45.000 euros ao ano, a metade do que ingresaba cando era presidente. E o cobrará de por vida, ao igual que tódolos membros do seu executivo. Este tipo de xubilacions está moi por riba do límite legal para o resto dos españois, que non poden cobrar máis de 32.000 euros anuais.
Os partidos investiron 66,6 millons de euros nas eleccions xerais de 2008. Destes cartos 44 millons foron prestados polos bancos para financiar campañas publicitarias megalógamas. As mesmas entidades que ese ano de crise embargaron as casas a 60.000 familias por falta de liquidez. 180.000 personas quedaron sen teito. Porén os partidos débenlle aos bancos 144,8 millons de euros e non pasa nada!
O oscurantismo sobre os gastos da clase política chega ao absurdo no Parlamento Europeo que conta cunha Oficina de Loita contra o Fraude (OLAF). Mais os seus informes son confidenciais e o seu contido completo só é coñecido polos propios parlamentarios. Os votantes podemos coñecer as boas accións dos políticos, os datos sobre fraude: no comment!
Cada Parlamento autonómico, Deputación provincial ou Concello fixa o soldo dos seus cargos electos sen límite nin baremo algún. A alcaldesa de Marbella, Marisol Yagüe, cobraba máis co presidente do Goberno: 84.462 euros ao ano nun Concello que estaba en bancarrota.
O mínimo que deberamos facer é reflexionar sobre esta REALIDADE e contrastala coa nosa realidade cotiá. ¿ Chegaremos a algunha conclusión ?
Semella que algúns xa confirman o cheiro a corte...?
